|
阮兮夢想
無錢無銀無要緊。
老來身體康健卡重要。
一生最使阮心內呵咾兮：
子孝、新媳仁慈、孫又乖巧。
這回新媳它鄉倒轉來，
乎阮機票兼新台幣，
並陪阮從臺灣飛出去。
四介叭叭走、遊山玩水兼拜佛，
是阮老來無聊最喜愛。
來到崑山囝仔兮新厝，伊預留房間乎娘親；
新媳伊講：娘親不孝，欲孝何人？子欲孝親不在，將來怨歎有何用？
乎阮聽起心內溫馨無底比。親像海波浪在滾交。
蘇州近來建設大進步，公路直通上海有高速。
港口貨物進出用貨櫃，大船出海四介去。
市內市郊公園林園滿滿是，風景優秀，林木又奇巧：
山水造型各領風騷不相同，年代悠久兮各傳各家世風。
街面海產新鮮又夠便宜，山產怪奇又亥驚人。
餐廳菜餚排色鮮艷 好食又好飲，人客滿座親像辦桌吃免錢。
寒山寺香客人頭一爿黑，車輛往來如流水；
暝來木魚晨來鐘：聲聲警醒貪婪世間人。
運河水流淼淼、兩岸楊柳隨風低頭垂：
頭犁叫醒咱做人愛謙虛兼隨和。
再會啦；阮親愛兮親人，阮要從上海飛回咱故鄉……臺灣。
離開前：阮要甲汝講……它鄉雖好非故鄉。
咱的祖先併命渡過黑水溝來臺灣，已開枝立根佇臺灣，
毋通忘記咱的血脈 安奉予宜蘭圓山（福園），娘親也踞守在臺灣。
臺灣土、臺灣水、臺灣米是飼咱大漢兮，臺灣永遠是咱最親密兮故鄉。
本文作者：一樹生千朵 [于2009.9.17書記]
| 
